今日看明珠台無意看到介紹<Mama Mia>電影版. 看劇情發覺很有趣! 一個女人的女兒出嫁, 但這個女兒有日無意發現母親的秘密, 原來她媽媽有三個ex而三個都有可能是她爸, 其實她母親也不知女兒是誰經手. 之前只知Mama Mia是一套很出名的Musical, 裏面大量用上ABBA的歌, 但不清楚劇情是甚麼. 電影版由影后Meryl Streep主演, 而且貌似她還會在電影裏載歌載舞呢! 不過此電影我想不會在澳門上映, 所以還是要等影碟出啦.

Official website: http://www.mammamiamovie.com/

 昨晚網上買了<29+1五次方>的門票, 這套話劇是由出爐最佳舞台劇女主角彭秀慧主演. 大約講述一個即將步入三十的女子, 迎接這個三十關口時遇到的憂慮, 為此她主動作出一些改變希望扭轉困局.因為之前我沒看過, 現在得知她第五度公演便二話不說去快達網購買門票. 買了9/20 showing, looking forward to it!

這次廣州番禺之旅確實好玩, 不過後遺症就係腸炎同聲沙! 長隆水上世界好好玩, 如果唔洗排咁耐隊玩就仲好. 那個’大喇叭’真係非試不可, 但我只敢試一次啦, 太得人驚啦…玩完後Aster話感到面部肌肉自己在跳, 屁屁同我就換來一把soul味很重的聲線, 絕對要拿首小野麗莎既歌黎唱下…阿韻就係最淡定那個, 女主播果然見慣大場面, 另舍不同.

好在尋日放假可以抖返一日, 而且終於買到 <一期一會>影碟啦! 一期一會來自日本的茶道用語, 一期意味著人的一生, 一會意味著僅有的一次相會. 我地每人都有自己既一期一會, 而這個moment可以令自己回味一生. 這套音樂劇由幾個單元故事組成, 當中穿插好多陳百強的歌曲. 睇到最後眾人畢業, 在櫻花飄落下一眾演員全部都喊, 好感動! 蝦頭同林小寶既演技好好, 特別係蝦頭, 她在講述後父如何強姦她時那段獨腳戲, 我同我亞媽都屏息靜氣, 仲feel到有好大塊石頭壓在心房, 那場戲很攝人! 林小寶起套戲裏面發揮唔夠蝦頭大, 但佢把聲真係好靚, 唱歌好好聽. 至於一峰, 雖然唔夠其他專業話劇人搶戲, 不過勝在他的即席演唱, 尤其他彈那段鬥牛歌曲隻左手快速地轉chord好勁呢!仲有at 17 的Ellen, 她彈結他時實在太太太型啦! 不過她那段戲我唔太get到最後想表逹乜囉.

Anyway, <一期一會>係一部佳作.